ظاہر ہے اس پر ''ابرہہ''کو بہت غصہ آیا اور اس نے خانہ کعبہ کو کلى طور پر ویران کرنے کا پختہ ارادہ کرلیا_اس کا خیال تھا اس طرح وہ انتقام بھى لے لے گا اور عربوں کو نئے معبد کى طرف متوجہ بھى کردے گا_چنانچہ وہ ایک بہت بڑے لشکر کے ساتھ،جن میں سے کچھ لوگ ہاتھیوں پر سوار تھے،مکہ کى طرف روانہ ہوا_
جب وہ مکہ کے قریب پہنچا تو اس نے کچھ لوگوں کو مکہ والوں کے اونٹ اور دوسرے اموال لوٹنے کے لئے بھیجا_ان میں سے دوسو اونٹ عبد المطلب(ع) کے بھى لوٹ لئے گئے_
''ابرہہ'' نے کسى آدمى کو مکہ کے اندر بھیجا اور اس سے کہا کہ رئیس مکہ کو تلاش کرکے اس سے کہنا کہ''ابرہہ''یمن کا بادشاہ کہتا ہے کہ:میں جنگ کرنے کے لئے نہیں آیا_میں تو صرف اس لئے آیا ہوں کہ اس خانہ کعبہ کو ویران کردوں_اگر تم جنگ نہ کرو تو مجھے تمہارا خون بہانے کى ضرورت نہیں ہے_