معراج اور سائنس

سایٹ دفتر حضرت آیة اللہ العظمی ناصر مکارم شیرازی

صفحه کاربران ویژه - خروج
ذخیره کریں
 
قصص قرآن
ان سوالات کے پیش نظر چندچیزوں پر توجہمعراج کا مقصد

گزشتہ زمانے میں بعض فلاسفہ بطلیموس کى طرح یہ نظریہ رکھتے تھے کہ نو آسمان پیاز کے چھلکے کى طرح تہہ بہ تہہ ایک دوسرے کے اوپر ہیں واقعہ معراج کو قبول کرنے میں ان کے لئے سب سے بڑى رکاوٹ ان کا یہى نظریہ تھا ان کے خیال میں اس طرح تویہ ماننا پڑتا ہے کہ آسمان شگافتہ ہوگئے اور پھر آپس میں مل گئے_(1)
لیکن'' بطلیموسى ''نظریہ ختم ہو گیا تو اسمانوںکے شگافتہ ہونے کا مسئلہ ختم ہوگیا البتہ علم ہئیت میں جو ترقى ہوئی ہے اس سے معراج کے سلسلے میں نئے سوالات ابھر ے ہیں مثلاً;
1)ایسے فضائی سفر میں پہلى بار رکاوٹ کشش ثقل ہے کہ جس پر کنٹرول حاصل کرنے کے لے غیر معمولى وسائل و ذرائع کى ضرورت ہے کیونکہ زمین کے مداراور مرکز ثقل سے نکلنے کے لئے کم از کم چالیس ہزار کلو میٹر فى گھنٹہ رفتار کى ضرورت ہے _
2)دوسرى رکاوٹ یہ ہے کہ زمین کے باہر خلا میں ہوا نہیں ہے جبکہ ہوا کے بغیر انسان زندہ نہیں رہ سکتا _
3)تیسرى رکاوٹ ایسے سفر میں اس حصہ میں سورج کى جلادینے والى تپش ہے جبکہ جس حصہ پر سورج کى مستقیماً روشنى پڑرہى ہے اور اسى طرح اس حصے میں جان لیوا سردى ہے جس میں سورج کى روشنى نہیں پڑرہى ہے_
4) اس سفر میں چوتھى رکاوٹ وہ خطرناک شعاعیں ہیں کہ جو فضا ئے زمین کے اوپر موجود ہیں مثلا کا سمک ریز cosmic ravs الٹرا وائلٹ ریز ultra violet ravsاور ایکس ریز x ravsیہ شعاعیں اگر تھوڑى مقدار میں انسانى بدن پر پڑیں تو بدن کے آرگانزم otganismکے لئے نقصان دہ نہیں ہیں لیکن فضائے زمین کے باہر یہ شعاعیں بہت تباہ کن ہوتى ہیں (زمین پر رہنے والوں کے لئے زمین کے اوپر موجود فضاکى وجہ سے ان کى تپش ختم ہوجاتى ہے )
5) ایک اور مشکل اس سلسلہ میں یہ ہے کہ خلامیں انسان بے وزنى کى کیفیت سے دوچار ہوجاتا ہے اگرچہ تدریجاًبے وزنى کى عادت پیدا کى جاسکتى ہے لیکن اگر زمین کے باسى بغیر کسى تیارى اور تمہید کے خلا میں جا پہنچیں تو بےوزنى سے نمٹنا بہت ہى مشکل ہے _
6) آخرى مشکل اس سلسلے میں زمانے کى مشکل ہے اور یہ نہایت اہم رکاوٹ ہے کیونکہ دورحاضر کے سان سى علوم کے مطابق روشنى کى رفتار ہر چیز سے زیادہ ہے اور اگر کوئی آسمانوں کى سیر کرنا چاہے تو ضرورى ہو گاکہ اس کى رفتار سے زیادہ ہو


(1)بعض قدیم فلاسفہ کا نظریہ یہ تھا کہ اسمانوں میں ایسا ہونا ممکن نہیں ہے _اصطلاح میں وہ کہتے تھے کہ افلاک میں --''خرق ''(پھٹنا)اور ''التیام''(ملنا)ممکن نہیں -

 

 


ان سوالات کے پیش نظر چندچیزوں پر توجہمعراج کا مقصد
12
13
14
15
16
17
18
19
20
Lotus
Mitra
Nazanin
Titr
Tahoma