Ayətullah əl-uzma Məkarim Şirazi insan hüquqları müdafiəsi iddiasında olanların sükutunu tənqid etdi

Ayətullah əl-uzma Məkarim Şirazi insan hüquqları müdafiəsi iddiasında olanların sükutunu tənqid etdi


Ayətullah Məkarim Şirazinin Ali-Səud cinayətinə reaksiyası/ İnsan hüquqları müdafiəsi iddiasında olanların sükutunu tənqid etməsi‌

Ayətullah Məkarim Şirazi bugün (28.04.2019) Qum şəhərinin Məscidü-Əzəmində təşkil olunan fiqhin ali mühazirələrində Ali-Səudun 37 nəfər dini və ictimai fəalın hamısını birdən qətl və edam etməsi cinayətini kəskin pislədi. Xatırladaq ki, onlardan bir neçəsi dini alim, bir neçəsi də xalis şiə idi.


Ayətullah Məkarim Şirazi cənabları: Ali-Səud rejimi onları mühakiməsiz, yaxud aşkar mühakimə etmədən qəddarcasına şəhadətə çatdırdı.
O, bu rejimin keçmişinin bəlli olduğuna diqqət çəkərək buyurdu: Vəhhabiliyin əsas məqsədi günahsız insanları qətlə yetirməkdir; bu məsələ öz kitablarında da mövcuddur, onlar özlərindən başqa hamını ölümə layiq bilir və dəhşətli bəhanələrlə böyük şəxsiyyətlərin qəbirlərini ziyarət edənləri ölümə məhkum edirlər.


Ayətullah Məkarim Şirazi söhbətinin davamında əlavə etdi: Son vaxtlar bu mövzunun dini cəhətlərindən əlavə siyasi cəhətləri də üzə çıxmaqdadır. Belə ki, onlara qarşı olduğu ehtimal olunan hər kəsə ciddi təzyiqlər göstərir, ən ağır işgəncə və əzablara məruz qoyurlar.
Ayətullah Məkarim Şirazi çıxışında bunu da xatırlatdı: Ən qəribəsi odur ki, BMT və bəşər hüquqlarının müdafiəsi iddiasında olanlar bu cinayətə göz yumur. Əgər bunlardan bir nəfəri İranda olsaydı, hər yana car çəkərdilər. Ərəbistanda isə 37 nəfər qətlə yetirilir, amma heç kimin səsi çıxmır, çünki bunlar süd verən “inək” kimidir, arada təpik vursalar da, onlara bir söz demək olmaz.


Ayətullah Məkarim Şirazi təkidlə buyurdu: Amerika rəsmiləri çirkli pulların kölələridir, adətən, belə şeylərə göz yumurlar və bəzən də bu kimi cinayətləri təsdiqləyib deyirlər ki, “Cinayətkar olmaları müəyyən edilib və cəzalarını da aldılar!”.


Ayətullah Məkarim Şirazi sonda buyurdu: Biz bu cinayəti kəskin pisləyirik, ümidvarıq ki, tezliklə Ali-Səuddan bu cinayətin qisası alınacaq.

 

captcha